රවි කරුණානායක මහතා ඉල්ලා අස්‌වීම තුළින් ඉතිහාසයේ පළමුවරට අලුත් පාර්ලිමේන්තු සංස්‌කෘතියක්‌ සහ සම්ප්‍රදායක්‌ ඇති කිරීම පිළිබඳ ආඩම්බර වන බව අගමැති රනිල් වික්‍රමසිංහ මහතා ඊයේ (10 දා) පාර්ලිමේන්තුවේදී ප්‍රකාශ කළේය.
රවි කරුණානායක මහතා විදේශ ඇමැති ධුරයෙන් ඉල්ලා අස්‌වෙමින් විශේෂ ප්‍රකාශයක්‌ කළ පසුව නැඟී සිටි අගමැති රනිල් වික්‍රමසිංහ මහතා මෙසේද කීවේය.
අප පක්‌ෂයේ උපනායක මට කිව්වා මේ තනතුරෙන් ඉවත් වෙනවා කියා. ජනාධිපතිතුමා හමුවී මේ තීරණය ගන්නා බව කීවා. ජනාධිපතිතුමා හමුවුණේ බදාදා. මමත් රාජිත ඇමැතිතුමාත් එතුමා සමඟ ගොස්‌ ජනාධිපතිතුමා හමුවී ඉල්ලා අස්‌වීම භාරදුන්නා. සමහරු අද උදේ කෑගසද්දීත් ඉල්ලා අස්‌වෙලා අවසන්.
බැඳුම්කර කොමිසමේ පරීක්‌ෂණවලට ආණ්ඩුව ඇඟිලි ගැසීම් හෝ මැදිහත්වීම් සිදු නොකරන බවට රවි කරුණානායක මහතාගේ ඉවත්වීම කදිම සාධකයක්‌. මෙරට දේශපාලන ඉතිහාසය තුළ මෙවන් අවස්‌ථාවක්‌ දකින්නට නෑ. වර්තමාන ආණ්ඩුව යහපාලනය සැබෑවටම යථාර්ථයක්‌ බවට පත්කර තිබෙනවා.
මීට කලින් කොහෙද ඇමැතිවරයෙක්‌ කොමිසමකට ගිහින්, කතාවක්‌ දෙකක්‌ කළා කියා අයින් වුණේ. (ඝෝෂා)
මෙතන අපි පෙන්වන්නේ අලුත් සංස්‌කෘතියක්‌ ඇති කරන්න. එක්‌සත් ජාතික පක්‌ෂයේ කෙනකුට හොරෙක්‌ කීවොත් අපි එහෙම එයාව අයින් කරනවා. අපි හොරු තියා ගන්නේ නෑ. (ඝෝෂා)
කථානායකවරයා – මේක ශීලාචාර සභාවක්‌. අගමැතිතුමාට ඉඩ දෙන්න.
අගමැති – මම කාටවත් චෝදනා කළේ නෑ. හොරු ගැන පක්‌ෂයේ ප්‍රතිපත්ති කිව්වා. මෙතැන ඉන්න අය ඇවිස්‌සුනේ නෑ. ඔතන ඇයි ඇවිස්‌සුනේ? ඔතැන හොරු, කුඩුකාරයෝ බාර් හොරු, සුනාමි හොරු, සිමෙන්ති හොරු, සිල් රෙදි හොරු, කැරම්බෝඩ් හොරු ඉන්නවද? අවුරුදු දහයක්‌ මේක කරන්න බැරි වුණත් ලසන්ත වික්‍රමතුංගව මැරුවා. එක්‌නැලිගොඩව උස්‌සාගෙන ගියා. (ඝෝෂා)
රවි කරුණානායක මන්ත්‍රීතුමා ශේ්‍රෂ්aඨාධිකරණයට ගිහින් තහනම් නියෝග ගත්තේ නෑ. කොමිසමට ගියා. ප්‍රකාශයක්‌ කළා මෙතැනට ආවා. ඉල්ලා අස්‌වී පිටුපස අසුනට ගියා. ප්‍රියසාද් ඩෙප්ලාව පැත්තකට දැම්මේ නෑ. ප්‍රියසාද් ඩෙප්ලාට පසුගිය ආණ්ඩුව කාලේ සිදු වූ දේ අපි දැක්‌කා.
අද මාධ්‍යට නිදහස තියෙනවා. මාධ්‍ය එදා අපට කිව්වා ෙද්‍රහියෝ කියා. අද හැම එක්‌කෙනාටම හොරු කියනවා. අපිටත් හොරා කියනවා. ලියන එකත් හොරා. අද තියෙන්නේ නිදහස්‌ සමාජයක්‌. අලුත් යුගයක්‌. යහපාලනය පෙන්වා දී තිබෙනවා. රවි කරුණානායක මහතා මාව සෙනසුරාදා හමුවුණා. අඟහරුවාදා හමවුණා. බදාදා ජනාධිපතිතුමා හමුවුණා. අද මේ සභාවේ ප්‍රකාශයක්‌ කළා. අපි අලුත් සම්ප්‍රදායක්‌ ඇති කළා. ඒ ගැන ආඩම්බරයි.
නව ආණ්ඩුක්‍රම ව්‍යවස්ථාව මඟින් මෙරට ජාතික ගැටලුවට විසඳුමක් නොලැබුණ...හොත් නැවතත් රටේ කෝලාහලයක් ඇතිවීමේ අවදානමක් පවතින බව විපක්ෂ නායක දෙමළ...
ආණ්ඩුව විසින් පාර්ලිමේන්තුවට ඉදිරිපත් කිරීමට සැරසෙන නව ව්‍යවස්ථා කෙටුම්පත හිටපු ජනාධිපති මහින්ද රාජපක්ෂ මහතා අද (6) සිය නිල නිවසේ දී අධ්‍...
රාජ්‍ය ආයතනවලට වාහන අවශ්‍ය වන අවස්ථාවන්හිදී ඒවා මිලදී ගැනීම වෙනුවට කල්බදු ක්‍රමයට තෝරාගත් සමාගම් තුනකින් පමණක් ලබා ගැනීමට...රවි කරුණානායක...