ජාතික නිවාස සංවර්ධන අධිකාරිය ගෙවීගිය වසර දෙකක කාලය තුළ අනුමත සේවක සංඛ්‍යාව ඉක්මවමින් ඉතා විශාල සේවක පිරිසක් බඳවාගෙන ඇතැයි වාර්තා වේ. ජාතික නිවාස සංවර්ධන අධිකාරියේ අනුමත සේවක සංඛ්‍යාව 1885 කි. එහෙත් මේ වනවිට තවත් 815 දෙනෙකු සේවයට බඳවාගෙන ඇති අතර ඒ අනුව දැනට එහි සංඛ්‍යාව 2700ක් දක්වා ඉහළ ගොස් තිබේ.
විශේෂත්වය වන්නේ මෙලෙෂ බඳවා ගෙන ඇති සියළුදෙනා හම්බන්තොට දිස්ත‍්‍රික්කයේ පදිංචිකරුවන් වීමය. කෙසේ වෙතත් මෙම කරුණු සැගවීම සඳහා ඔවුන් සිය නියම ලිපිනයන් වෙනුවට දිවයිනේ විවිධ ප‍්‍රදේශ වල ව්‍යාජ ලිපිනයන් ඉදිරිපත් කර ඇතැයිද වාර්තා වේ.
මෙලෙස සීමාවද ඉක්මවා බදවාගත්ත වූවන්ගෙන් ඇතැමෙකු සාමාන්‍ය පෙළ හෝ සමත් වූවෝ නොවෙති. කෙසේවෙතත් දිනකට ඔවුන්ට රුපියල් පන්සීයක් 500 වැටුපක් ගෙවනු ලබන අතර උපාධිධාරින්ට රුපියල් දහසක 1000 වැටුපක්ද ගෙවීමට කටයුතු කර ඇත.
මෙලෙස අනුමත සේවක සංඛ්‍යාවට පිටින් බඳවා ගෙන ඇති ඇතැමෙකුගේ සේවා ස්ථානය කොළඹ ප‍්‍රධාන කාර්යාලය වුවද ඔවුන් මෙතෙක් එහි රාජකාරියට වාර්තාකොට නැත. එහෙත් ඔවුනට නියමිත වැටුප ගෙවනු ලබන අතර ඔවුන් විෂය භාර අමාත්‍ය සජිත් පේ‍්‍රමදාස මහතාගේ හම්බන්තොට දේශපාලන කටයුතු වලට යොදවා ඇතැයි දැනගන්නට ඇත.