විධායක ජනාධිපති ක්‍රමය අහෝසි කිරීම සඳහා එ.ජා.ප ය ව්‍යවස්ථා මෙහෙයුම් කමිටුවට ඉදිරිපත් කළ යෝජනා ප්‍රතික්ෂේප කරමින් ශ්‍රී.ල.නි.පයෙන් නව ව්‍යවස්ථා යෝජනා මාලාවක් ඉකුත් බ්‍රහස්පතින්දා බාරදී ඇත. විධායක ජනාධිපති ක්‍රමය තවදුරටත් රැකගත යුතුයැයි එම යෝජනා මගින් ශ්‍රී.ල.නි.පය පෙන්වා දී තිබේ. එසේම කඩිනමින් මැතිවරණ ක්‍රමය සංශෝධනය කළ යුතු බවද එම යෝජනාවලට ඇතුළත්ය.
පළාත් සභාවලට බලතල පවරන ලැයිස්තු අතර වන සමගාමී ලැයිස්තුව සම්පූර්ණයෙන් ඉවත් කිරීමට ශ්‍රී.ල.නි.පය විරුද්ධ වී තිබේ. එසේම පළාත් සභාවල දැනට ආණ්ඩුකාරවරුන් සතුව පවත්නා බලය මහ ඇමැතිවරුන්ට පැවරීමට කර ඇති යෝජනාවටද ශ්‍රී.ල.නි.පය එකඟ නොවන බව ප්‍රකාශ කර ඇත.
ව්‍යවස්ථා මෙහෙයුම් කමිටුව මගින් යෝජනා කර ඇති නව ව්‍යවස්ථා අධිකරණයටද ශ්‍රී.ල.නි.පය එකඟ නොවන බව එම යෝජනාවල සඳහන් යැයි වාර්තා වෙයි.
මෙම ප්රධාන කරුණු ඇතුළත් ශ්‍රී.ල.නි.ප ව්‍යවස්ථා යෝජනා අමාත්‍ය නිමල් සිරිපාල ද සිල්වා මහතා විසින් ව්‍යවස්ථා මෙහෙයුම් කමිටුවට බාරදුන් බව දේශපාලන ආරංචි මාර්ග කියයි.
නව ආණ්ඩුක්‍රම ව්‍යවස්ථාව මඟින් මෙරට ජාතික ගැටලුවට විසඳුමක් නොලැබුණ...හොත් නැවතත් රටේ කෝලාහලයක් ඇතිවීමේ අවදානමක් පවතින බව විපක්ෂ නායක දෙමළ...
ආණ්ඩුව විසින් පාර්ලිමේන්තුවට ඉදිරිපත් කිරීමට සැරසෙන නව ව්‍යවස්ථා කෙටුම්පත හිටපු ජනාධිපති මහින්ද රාජපක්ෂ මහතා අද (6) සිය නිල නිවසේ දී අධ්‍...
රාජ්‍ය ආයතනවලට වාහන අවශ්‍ය වන අවස්ථාවන්හිදී ඒවා මිලදී ගැනීම වෙනුවට කල්බදු ක්‍රමයට තෝරාගත් සමාගම් තුනකින් පමණක් ලබා ගැනීමට...රවි කරුණානායක...