ශ්‍රී ලංකා නිදහස්‌ පක්‌ෂය ඊයේ (10 වැනිදා) කැඳවා තිබූ මධ්‍යම කාරක සභා රැස්‌වීමට තමා ඇතුළු ඒකාබද්ධ විපක්‌ෂය නියෝජනය කරන ශ්‍රී ල. නි. ප. මධ්‍යම කාරක සභා සාමාජිකයන් පස්‌ දෙනාට ආරාධනා කර නොතිබූ බව පාර්ලිමේන්තු මන්ත්‍රී කුමාර වෙල්ගම මහතා පැවසීය.
මන්ත්‍රීවරයා මේ බැව් පැවසුවේ ඊයේ (10 වැනිදා) පාර්ලිමේන්තු සංකීර්ණයේ පැවැති මාධ්‍ය හමුවකදීය.
මම ශ්‍රී ල. නි. ප. මධ්‍යම කාරක සභාවේ උප සභාපතිවරයෙක්‌. පවිත්‍රා වන්නිආරච්චි, සී. බී. රත්නායක, මහින්ද යාපා අබේවර්ධන සහ ජනක බණ්‌ඩාර තෙන්නකෝන් යන මන්ත්‍රීවරුන් මධ්‍යම කාරක සභාවේ සාමාජිකයන් ලෙස පත්ව සිටිනවා.
සෑම මධ්‍යම කාරක සභා රැස්‌වීමකටම මට ආරාධනා ලැබුණා. නමුත් ඊයේ රැස්‌වීමට මට ආරාධනා ලැබුණේ නැහැ. ඒ ගැන විමසන්න මම පක්‌ෂයේ මහ ලේකම් දුමින්ද දිසානායක ඇමැතිවරයාට පෙරේදා (09 වැනිදා) දුරකථනයෙන් අමතන්න උත්සාහ ගත්තා. නමුත් ඔහු සම්බන්ධ කරගන්න බැරි වුණා. පසුව මම ඊයේ (10 වැනිදා) උදැසන කෙටි පණිවුඩයක්‌ යෑව්වා. නමුත් ඊටත් උත්තරයක්‌ ලැබුණේ නැහැ.
මධ්‍යම කාරක සභාවේ සියලු සාමාජිකයන්ට ආරාධනා නොකර පවත්වන රැස්‌වීම්වලදී ගන්නා තීන්දු තීරණවල වලංගු භාවය පිළිබඳව ප්‍රශ්නයක්‌ මතු වෙනවා යෑයිද කුමාර වෙල්ගම මන්ත්‍රීවරයා මෙහිදී වැඩිදුරටත් සඳහන් කළේය.
නව ආණ්ඩුක්‍රම ව්‍යවස්ථාව මඟින් මෙරට ජාතික ගැටලුවට විසඳුමක් නොලැබුණ...හොත් නැවතත් රටේ කෝලාහලයක් ඇතිවීමේ අවදානමක් පවතින බව විපක්ෂ නායක දෙමළ...
ආණ්ඩුව විසින් පාර්ලිමේන්තුවට ඉදිරිපත් කිරීමට සැරසෙන නව ව්‍යවස්ථා කෙටුම්පත හිටපු ජනාධිපති මහින්ද රාජපක්ෂ මහතා අද (6) සිය නිල නිවසේ දී අධ්‍...
රාජ්‍ය ආයතනවලට වාහන අවශ්‍ය වන අවස්ථාවන්හිදී ඒවා මිලදී ගැනීම වෙනුවට කල්බදු ක්‍රමයට තෝරාගත් සමාගම් තුනකින් පමණක් ලබා ගැනීමට...රවි කරුණානායක...