ත්‍රිපුද්ගල මහාධිකරණ විනිසුරු මඩුල්ලක් පිහිටුවා ඉකුත් රජය යටතේ වූ බව කියන වංචා, දූෂණ හා අපරාධ නඩු විභාග කිරීමට රජය තීරණය කර ඇත.
රජය නීතිපති දෙපාර්තමේන්තුවෙන් කළ ඉල්ලීමකට අනුව නීතිපති ජයන්ත ජයසූරිය අගවිනිසුරු ප්‍රියසාද් ඩෙප්ගෙන් ත්‍රිපුද්ගල විනිසුරු මඩුල්ලක් පත්කරන ලෙස ඉල්ලා ඇතැයි අධිකරණ ආරංචි මාර්ග සඳහන් කරයි.
අගවිනිසුරුවරයා මෙම සතියේදී  එම ත්‍රිපුද්ගල විනිසුරු මඩුල්ල පත්කරනු ඇතැයිද දැන ගන්නට තිබේ.බොහෝ දුරට මහාධිකරණ විනිසුරු ගිහාන් කුලතුංගගේ සභාපතිත්වයෙන් මෙම ත්‍රිපුද්ගල මහාධිකරණ විනිසුරු මඩුල්ල පත්කරනු ඇතැයිද වාර්තා වේ.
ඉකුත් රජය සමයේ වූ බව කියන වංචා, දූෂණ හා අපරාධ සාමාන්‍ය නඩු ක්‍රමයට යාම තුළ ප්‍රමාදයක් ඇතිවන නිසා මෙය විශේෂ කටයුත්තක් සේ සලකා මෙලෙස ත්‍රිපුද්ගල විනිසුරු මඩුල්ලක් පත්කොට එක දිගට නඩු විභාග කර තීන්දු ලබාදීමට නියමිතය.